Флоридагийн нисэх буудалд таван хүнийг буудаж хөнөөжээ

0

АНУ-ын Флорида мужийн Форт-Лодердейл хотын нисэх онгоцны буудалд зэвсэглэсэн этгээд өчигдөр /2017.01.06/ таван хүнийг буудаж хөнөөжээ. Нисэх буудлын терминал 2-ын тээш хүлээн авах хэсэгт болсон энэ хэргийн улмаас өөр найман хүн шархдаж, эмнэлэгт хүргэгдсэн байна. Гэмт этгээд Эстебан Сантьяго гэгч бөгөөд ямар шалтгаанаар ийнхүү нисэх буудалд галт зэвсэг авч орж, гал нээсэн нь тодорхойгүй байгаа аж. Гэрчүүдийн мэдээллээр гэмт этгээд тээш олгодог автомат дамжуургыг тойрон алхаж, гэмгүй хүмүүс рүү гал нээсэн байна. Тэд гэмт этгээдийг 20 орчим настай, Star wars киноны зураг бүхий цамцтай байсан, хэрэг үйлдэх үедээ ямар нэг зүйл хэлээгүй гэж мэдүүлжээ.

Нисэх буудлын аюулгүйн албаныхан гэмт этгээдийг барьж, саатуулсан байна. Түүнийг Иракт 10 сарын турш цэргийн алба хаасан болохыг тогтоожээ.

Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.