Хот тохижуулах газрын 232 ажилчин хөдөлмөрийн гэрээгүй ажиллаж байгаа гэв

17

Орхон аймгийн нийгэм эдийн засаг нутаг орны нөхцөл байдлын мэдээллээс илүүтэйгээр Хот тохижуулах газрын аж байдал анхаарлын төвд хэдийнээ ороод байна. Өнөөдөр тус албан байгууллагаас шинээр нэмж халагдсан гэх 6 хүн хэвлэлийн бага хурал зарлаж сэтгүүлчдэд ээлжит мэдээллээ өглөө. Хот тохижуулах газрын хувьд одоогоор 230 гаруй ажиллагсад ажиллан хотын цэвэр цэмцгэр байдалд гар бие оролцож байгаа ч энэ байгууллагын удирдлага орон нутгийн сонгуулийн үр дүнгээр солигдсонтой холбоотойгоор таарамжгүй нөхцөл байдал үүсээд байгаа юм. Тус байгууллагаас 4 нь эрэгтэй, 2 эмэгтэй жолооч үйлчлэгч нийлсэн 6 хүн ийнхүү амьдралын баталгаа болж байсан ажлаасаа халагджээ. Өнөөдрийн байдлаар тус газраас халагдсан гэх ажилчдынхаа төлөөлөл болон ХТГ-ын ҮЭХ-ны дарга Г.Эрдэнэбат мэдээлэл хийж байгууллагыг хагалан үймүүлж, ажилчдыг хүнд байдалд оруулж байгаа одоогийн дарга Б.Оюунбаярын тухай цаашид бүх мэдээллийг дэлгэн тавина гэж мэдэгдэж байна.  Тэрээр хэлэхдээ: ХТГ-ын 230 гаруй ажиллагсад өнөөдрийн байдлаар хөдөлмөрийн гэрээгээ гар дээрээ аваагүй, гэрээгүй ажиллаж, /албан ёсны болоогүй учраас/ өнгөрөгч 2016 оны сүүлээс эхлэн ажилчид үйлчлэгч нар айдас сэтгэлийн дарамттай гудамж талбайгаа цэвэрлэж, өрнөөс өрний хооронд банк санхүүгийн байгууллагаас зээлсэн өр төлбөрөө ажилгүй болбол яаж барагдуулах тухай бодож дарамтанд ажилласаар ирлээ. Мөн ХТГ–ын ажилчдын дийлэнх нь амьдралын доод түвшнээс доогуур амьдралтай байдаг тухай тэднийг ийнхүү басамжлан доромжилж байгаа учраас Үйлдвэрчиний хорооны даргын хувьд ажилчдынхаа төлөө асуудлыг шийдвэрлэтэл тэмцэнэ гэж мэдэгдлээ.
Хот тохижуулах газрын ажилчид бол жинхэнэ хөдөлмөрчин ажилсаг хүмүүс ажлаа олон жил хийгээд дадсан учраас хэн нэгэн дарга солигдож ирээд сайн ажиллуулаад байгаа хэрэг биш юм гэдгийг давхар онцоллоо. Тэдний дараагийн тэмцэл бол  улсын хэмжээний хэвлэл мэдээллийн байгууллагууд болон хуулийн байгуулагуудад хандахаар болсон тухайгаа ийнхүү Хэвлэлийн бага хурлын үеэр мэдэгдлээ. Халагдсан 6 хүн 8-22 жил энэ байгууллагтаа тасралтгүй ажилласан хүмүүс юм байна.

Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

17 Олон сэтгэгдэлтэй

  1. ҮEРИЙН ДАЛАН ХОГООР ДҮҮРСЭН БАЙНА ШАР УСНЫ ҮЕР БУУГААД ХҮНД БАЙХАД АЖЛАА ХИЙГЭЭЧЭЭ АВГАЙ ЮМ ЭНЭ ДАРГА НАР АНХААРААЧЭЭ МАН НЭРИЙГ ГУТААЖ БАЙНА ДАА

  2. Ulsiin hevlel medeeleld handana gsn bna Ushuu tsaashlaad tov ardiin namiin eronhii Nariin bichgiin darga tamgiin gazriin darga Gd handah humuus zunduu bgaa shuu amjilt husie tuushtai bgaarai

  3. I think other web site proprietors should take this website as an model, very clean and magnificent user genial style and design, as well as the content. You are an expert in this topic!

Сэтгэгдэл үлдээх

This site uses Akismet to reduce spam. Learn how your comment data is processed.