“Будапешт-2017” Дэлхийн аварга шалгаруулах тэмцээнд амжилттай оролцсон Монголын жүдо бөхийн шигшээ багийн тамирчин, дасгалжуулагчид эх орондоо ирлээ.
Энэ жилийн Дэлхийн аваргад Монголын жүдочид эрэгтэй, эмэгтэй тус бүр есөн тамирчны бүрэлдэхүүнтэй оролцож, нэг алт, нэг мөнгө, дөрвөн хүрэл медаль хүртэж, шагналт тав, долдугаар байр тус тус нэгийг эзэлснээр багийн амжилтаар дэлхийн 126 орноос гуравдугаар байрт шалгарсан билээ.
Мөн Эрдэнэтийн 5-р сургуулийн төгсөгч, Эрдэнэт үйлдвэр Хангарьд клубын тамирчин Дэлхийн аварга Г.Болдбаатар хүрэл медалын эзэн болж нутгийн зон олон болох Булганчууд, Эрдэнэтчүүдийнхээ магнайг тэнийлгэлээ.
