ЭРДЭНЭТ ХОТ УЛААН-ҮД ХОТТОЙ ХАМТЫН АЖИЛЛАГААНЫХАА ГЭРЭЭГ ШИНЭЧЛЭЛЭЭ

0

Орхон аймгийн Засаг дарга Д.Батлут өнгөрөгч амралтын өдрүүдэд ОХУ-ын Буриад Улсын Улаан-Үд хотын дарга А.М Голков тэргүүтэй албаны хүмүүсийг хүлээж авч уулзлаа. Эрдэнэт хот нь Улаан-Үд хоттой 2002 онд ах дүүгийн найрамдалт харилцаа тогтоож, хамтран ажилласаар ирсэн түүхтэй. Үүнээс хойш хоёр хот хамтын ажиллагааны гэрээг 2 удаа үзэглэсэн байдаг бөгөөд энэ удаад дахин шинэчлэн байгууллаа.

Уулзалтын эхэнд Засаг дарга Д.Батлут хэлсэн үгэндээ “Манай 2 хотын хамтын ажиллагаа жилээс жилд өргөжин хөгжиж байна. Тэр дундаа боловсрол, соёл, спортын салбарын хамтын ажиллагаа тогтмолжоод байгааг онцлох нь зүйтэй. Ийнхүү бид өнөөдөр хамтын ажиллагааны гэрээгээ шинэчилснээр Эрдэнэт, Улаан-Үд хотын аж ахуйн нэгжүүд хөрөнгө оруулалт, үйлдвэрлэл болон хамтарсан ААНБ-уудыг байгуулах, салбарыг байгуулах боломжууд нээгдэж байна” гэлээ.
Улаан-Үд хотын дарга А.М Голковын айлчлалын бүрэлдэхүүнд тус хотын орлогч дарга, Гадаад харилцааны газрын дарга, ОХУ-аас Дархан хотод суух Ерөнхий консул зэрэг албаны хүмүүс ирсэн юм.
Энэ үеэр Улаан-Үд хотын дарга А.М Голков Орхон аймгийн Засаг дарга Д.Батлут нар хамгийн түрүүнд хамтран хэрэгжүүлэх боломжтой төсөл, хөтөлбөрүүдийн талаар санал солилцсон юм.
Мэдээллийн төв
Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.