ОРХОН АЙМГИЙН 88 БАГШ НИЙГМИЙН ДЭМЖЛЭГТ ХАМРАГДЖЭЭ

0

Өнөөдөр Монголын багш нарын 52, Дэлхийн багш нарын 24 дэх жилийн баяр өнөөдөр тохиож байна. Энэхүү баярыг тохиолдуулан Орхон аймгийн хэмжээнд үйл ажиллагаа явуулж байгаа сургуулийн өмнөх болон ерөнхий боловсролын сургуульд ажиллаж буй багш нар баярын хурлаа хийлээ.

Энэ онд аймгийн хэмжээнд боловсрол, соёл урлагийн салбарт улс болон орон нутгийн төсвөөс нийтдээ 10.1 тэрбум төгрөгийн хөрөнгө оруулалт хийгдсэн талаар мэдээллийг БСУГ-ын дарга Ж.Бат-Амгалан илтгэлдээ онцоллоо. Мөн аймгийн хэмжээнд багш нарын нийгмийн баталгааг хангах, эрүүл мэндийг хамгаалах, боловсрол ур чадварыг дээшлүүлэх, ажиллах орчин нөхцөлийг дээшлүүлэх үүднээс Засаг дарга Д.Батлутын мөрийн хөтөлбөрт “Багш” дэд хөтөлбөрийг тусган хэрэгжүүлж буй. Хөтөлбөрийн хүрээнд өнгөрсөн онд 40-өөс дээш насны 980 орчим багшийг эрүүл мэндийн урьдчилан сэргийлэх үзлэгт үнэ төлбөргүй хамруулсан. Энэ жил 30-40 насны 870 орчим багш, ажилтныг уг үзлэгт хамруулахаар бэлтгэл ажлыг хангаад байна.
Түүнээс гадна аймгийн хэмжээнд шилдгээр шалгарсан 5 кабинет, 6 сургууль, цэцэрлэгийг 3.8 сая төгрөгөөр урамшуулсан бол энэ хичээлийн жил дээрх дүнг 30 гаруй сая төгрөг болгон нэмэгдүүлжээ. 2017 оноос хойш Орхон аймгийн 39 багш дэлхийн бусад улс оронд  мэргэжил дээшлүүлсэн бөгөөд үүнд шаардлагатай зардлыг төсвөөс санхүүжүүлсэн юм.
Монголын багш нарын 52, Дэлхийн багш нарын 24 дэх жилийн баярын хурлын нээлтийн үеэр Засаг дарга Д.Батлут хэлсэн үгэндээ “Бид багшийн нийгмийн баталгааг хангахад чухал ач холбогдол өгч ажиллаж байна. 2017 оноос хойш 88 багш, ажилтанд 40 гаруй сая төгрөгийн дэмжлэгийг олголоо. Удахгүй 40 орчим багшид энэ дэмжлэгийг олгохоор төлөвлөж байгаа” гэсэн юм.
Ийнхүү Монголын багш нарын 52, Дэлхийн багш нарын 24 дэх жилийн баяраар үр бүтээлтэй ажилласан нэр бүхий багш нарыг Засгийн газар, Яам, орон нутгийн шагналаар шагналаа.
 Мэдээллийн төв
ЭНЭ МЭДЭЭНД ӨГӨХ ТАНЫ СЭТГЭГДЭЛ?
+1
0
+1
0
+1
0
+1
0
+1
0
+1
0
Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.