Хөгжлийн бэрхшээлтэй хүний эрхийг хангах орон тооны бус салбар зөвлөлийн хурал боллоо

0
Орхон аймгийн хэмжээнд хөгжлийн бэрхшээлтэй 4500 гаруй иргэд байдаг бөгөөд үүнээс 330 гаруй нь хүүхдүүд байдаг юм. Эдгээр иргэддээ зориулан Аймгийн Засаг даргын тамгын газраас үе шаттай олон ажлуудыг жил бүр төлөвлөгөө гарган авч хэрэгжүүлсээр ирсэн байна. Өнөөдөр Хөгжлийн бэрхшээлтэй хүний эрхийг хангах Орхон аймгийн орон тооны бус салбар зөвлөлийн хурал болж 2019 онд хийх ажлын төлөвлөгөөгөө баталлаа.
Уг салбар зөвлөлийн даргаар Аймгийн засаг даргын орлогч А.Түвшинжаргал ажиллаж нарийн бичгийн даргаар Нийгмийн бодлогын хэлтсийн ХБИргэдийн бодлого хариуцсан мэргэжилтэн Б.Эрдэнэбулган нар ажилладаг. Салбар зөвлөлийн гишүүдэд ХЗА, ГХБХБГ, Эрүүл мэндийн газар, Боловсрол соёл урлагийн газар,Халамж үйлчилгээний хэлтэс ,Баян-Өндөр ,Жаргалант сумын мэргэжилтэн, Биеийн тамир спортын хорооны мэргэжилтэн8 Орхон аймагт энэ чиглэлээр үйл ажиллагаа явуулан ажилладаг Хүүхэд хөгжлийн төвийн зохицуулагч нар хамрагддаг.
Орхон аймаг бусад аймгийг бодвол харьцангуй хөгжлийн бэрхшээлтэй иргэддээ чиглэсэн үйл ажиллагааг энэ 40 жилийн хугацаанд авч хэрэгжүүлж эхэлсэний нэг л жишээг дурьдахад :Хүнд хэлбрийн хөгжлийн бэрхшээлтэй хүүхдийн асран хамгаалагчдын эрүүл мэнд, нийгмийн даатгалын төлөлтийг орон нутгаас санхүүжүүлэн хийдэг болсон. Нэг жилд 80 эцэг эх, асран хамгаалагчдын эрүүл мэнд нийгмийн даатгал орон нутгаас төлөгддөг. Энэ оны хувьд орон нутгийн төсвөөс 37 900 төгрөгийг энэ ажилд зарцуулахаар Аймгийн ИТХ-аар батлагджээ.
Өнөөдрийн хурлын үеэр Аймгийн Засаг даргын орлогч А. Түвшинжаргал онцлохдоо : Хөгжлийн бэрхшээлтэй хүний асуудал нь дан ганц эцэг эх, халамжийн байгууллага, Аймгийн ЗДТГ-ын асуудал бишээ, энэ бол бүх Төрийн байгууллагад хамааралтай шийдээд явах асуудал болсон гээд хамгийн эмзэг энэ асуудал дээр Төр болоод ТББ-уудын оролцоог нэмэгдүүлж, хүн бүр хандлагаа өөрчилж чин сэтгэлээсээ хандах хэрэгтэйг зарим албан хаагчдад санууллаа. Мөн хөгжлийн бэрхшээлтэй иргэдэд хүрч ажиллахад “Хэрэгцээгээ харж, Төрийн байгууллагууд асуудлыг шийдвэрлэх хэрэгтэй” гэлээ.

 

Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.