Д.Оюунсайхан: Элэгний B, C вирусын шинжилгээндээ хамрагдана уу гэж утсаар дуудаад ч ирдэггүй

0
ЭЛЭГНИЙ Б, Ц ВИРУСЫН ШИНЖИЛГЭЭГ ХАРЪЯА ӨРХИЙН ЭМНЭЛГҮҮДЭД АВЧ БАЙНА
Орхон аймгийн хот доторх Уурхайчин ,Оюут багуудын 16900 хүн амд хүрч үйлчилдэг “Мэндцэцэн” өрхийн эрүүл мэндийн төвөөр орж цаг үеийн мэдээлэл авлаа.
Орхон аймгийн хэмжээнд бидний хэлж заншсанаар өрхийн эмнэлэгт 5 төрлийн нийгмийн даатгалын шимтгэл төлсөн иргэд элэгний B,C вирусын шинжилгээ, хеликобактери,сахар даралт , тэмбүү өвчинг илрүүлэх тест шинжилгээг тогтмол хийгдэж байна.
Эрүүл мэндийн төвөөр үйлчлүүлж буй дийлэнх иргэдийн хувьд анхан шатны үзлэг оношлогоо эрт үеийн илрүүлэх тест шинжилгээг газар дээр нь 15 минут орчимд хугацаанд хийж байгаа нь цаг хэмнэсэн сайшаалтай байгаа ч иргэд өөрсдөө эрүүл мэндээ хамгаалах, хайрлах тал дээр учир дутагдалтай байгааг эмч нар хэлж байна.
Учир нь 3 жилийн өмнөөс 100 хувь хамруулсан элэгний вирус илрүүлэх шинжилгээнд өнгөрөгч онуудад 104 хувьтай идэвхи санаачлагатай хамрагдаж байсан бол харин энэ жилээс хамрагдалт илт бууржээ.
Тус эрүүл мэндийн төв энэ 5 сараас хойш 1000 тест авч багийн иргэддээ шинжилгээг хийхээр зар тараах, сувилагч нар гэрийн хаяг, утсаар нь дуудаад ч 350 гаруй хүн л шинжилгээндээ хамрагдсан гэнэ.
Өмнөх жилүүдэд огт хамрагдаагүй байсан иргэд Орхон аймгийн хэмжээнд 35000 орчим үлдсэн гэсэн статистик тоо баримт байгаа ч тэр бүр өөрсдийн санаагаар ирж хамрагддаг иргэд ховор байгаа тухай “Мэндцэцэн” өрхийн эрүүл мэндийн төвийн эрхлэгч их эмч Д.Оюунсайхан онцоллоо.
Мөн Орхон аймаг хот суурин газар, дэд бүтэц их хөгжсөн залуусын хот гэдэг утгаараа улсын хэмжээнд БЗХӨ-нөөр улсдаа 3-рт бичигдсэн байгаа нь хэдийнээ аюулын харанга дэлдээд байна.
Гэр хороолол хөдөөгийн буйд газар биш хотын төвийн уурхайчид голдуу амьдардаг энэ багуудад бэлгийн замын халдварт өвчин ихээр бүртгэгдэж буй юм байна.
Нийгмийн халамжид орох , эсвэл шинэ хүн төрүүлэхээр хяналтанд орж байгаа төрөх насны 365 эмэгтэйчүүдийн 20 нь тэмбүү өвчтэй нь тогтоогдож эмчлүүлж эхэлжээ.
Иймээс хаяандаа байгаа өрхийн эмнэлэгтээ очиж 20 000 хүрэхгүй төгрөгөөр дээрхи 5 төрлийн шинжилгээг зайлшгүй хийлгэх хэрэгтэйг сануулж байна.
Ниргэсэн хойно нь халаглах бус урьдчилан сэргийлж, эрүүл мэндээ цаг ямагт анхаарах ёстойг нийгмийн олон мэдээллээс бид уншсаар байгаа билээ .
Дашрамд дуулгахад элэгний B,C вирусын шинжилгээний тестний үнэ 2000-5000 төгрөг л байдаг юм байна.
ЭНЭ МЭДЭЭНД ӨГӨХ ТАНЫ СЭТГЭГДЭЛ?
+1
0
+1
0
+1
0
+1
0
+1
0
+1
0
Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.