Наса: Австралийн түймрийн утаа дэлхийг бүтэн тойрно

0
Like
Like Love Haha Wow Sad Angry

Есдүгээр сараас хойш асч байгаа Австралийн түймрийн утаа дэлхийг бүтэн тойроод, удахгүй Австралид эргэж ирнэ хэмээн Наса мэдээлжээ.

Түймрээс гарсан их хэмжээний утаа Австралийн зүүн эрэг дагуу хэдэн сарын турш төвлөрч, далайн салхины нөлөөгөөр Номхон далайд гараад байгаа билээ. Насагийн мэдээлснээр утаа шинэ жилийн үеэр өмнөд Америкийн тэнгэрийг бүрхэн нүүгээд, нэгдүгээр сарын 8-ны байдлаар дэлхийн талыг туулсан байна.
Австрали даяар асч буй зуу зуун түймэр одоогийн байдлаар 28 орчим хүн, тэрбум орчим амьтны аминд хүрч, 200 гаруй айлыг орох оронгүй болгоод байгаа билээ. Түүгээр ч зогсохгүй энэхүү их түймэр дэлхийн дулааралд маш хүчтэй нөлөөлж байна хэмээн эрдэмтэд тодорхойлов.
Насагийн хэлснээр түймэр олон мянган га талбайг хамарсан, хүчтэй байгаагаас шалтгаалж  хар салхи үүсгэж байгаа гэнэ. Үүний нөлөөгөөр түймрийн утаа 17,7 км хүртэл өндөрт хөөрч байгаа бөгөөд нэгэнт ийм өндөр авсан утаа уур амьсгалын байдлаас шалтгаалан эх үүсвэрээсээ хэдэн мянган км хол хийсэх боломжтой ажээ.
Ийнхүү түймрийн утаа хаа сайгүй тархахын хэрээр өмнөд Америк болон Шинэ Зеландын тэнгэрийг бүрхэж, хэд хэдэн оронд агаарын чанар огцом доройтож байна.
Эх сурвалж: bbc.com
Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.