Цагаан тоос дарах зориулалтын шинэ техник ирлээ

0
Like
Like Love Haha Wow Sad Angry
Баяжуулах үйлдвэрийн Хаягдлын аж ахуйд үүссэн элсний хуримтлалаас дэгддэг цагаан тоосыг Эрдэнэт үйлдвэр гурван төрлийн аргаар дарж байна. Үүний нэг арга нь тоос дарагч бодисыг устай хольж тоостой талбайд цацах технологи юм. Уг аргыг хэрэглэхийн тулд зориулалтын техник ашиглах шаардлагатай бөгөөд нуурын шавар, ус туулах өндөр хүчин чадалтай зориулалтын техник Хаягдлын аж ахуйд саяхан иржээ. Герман улсад үйлдвэрлэгдсэн Hydroseeder KEDA PB80100 маркын төхөөрөмж бүхий XCMG CAT2204A загварын трактор нь жижиг оврын техник хүрэх боломжгүй өндөрлөг газарт тоостой талбайг норгодгоороо давуу талтай юм. Энэхүү тракторыг өмнө ашиглаж байгаагүй, анх удаа туршиж байгаа аж.

   Цагаан тоосыг бүрэн дарах зорилгоор Баяжуулах үйлдвэрийн дэргэд Цагаан тоос дарах алба шинээр байгуулагджээ. Тус албаны ажилтнууд жилийн дөрвөн улирлын турш Хаягдлын аж ахуйд байрлан, цагаан тоос дарах ажлыг тасралтгүй үргэлжлүүлэх юм. Шинэ ирсэн тоос дарагч тракторыг ирэх долоо хоногт ашиглаж эхэлнэ.

М.Балжинням

Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.