Улс тунхагласны баярын өдөр тохиож байна

0

Өнөөдөр буюу арваннэгдүгээр сарын 26-ны Баасан гаригт Улс тунхагласны баярын өдөр тохиож буй. Тодруулбал, Монгол Улс Анхдугаар Үндсэн хуулиа баталж, БНМУ тунхагласны 97, жилийн ойн өдөр билээ. Иймд нийтээр тэмдэглэх баярын болон тэмдэглэлт өдрүүдийн тухай хуулийн дагуу бүх нийтээр амрах өдөр юм.

Тэртээ 1924 оны арваннэгдүгээр сарын 26-ны өдөр Монгол Улс анхдугаар Үндсэн хуулиа баталж, Хаант засгаас Бүгд найрамдах засаглалд шилжиж, хамжлагат ёсыг халан, үндэсний ардчилсан өөрчлөлт, эрх зүйн чухал зарчмууд, улс төрийн цоо шинэ тогтолцоог хуульчлан баталгаажуулсан нь Монголын түүхийн асар том үйл явдал болсон.

Анхдугаар Үндсэн хууль батлагдсан нь нийгэм эдийн засгийн олон ололтыг Монголд бий болгон батжуулсан төдийгүй Монголын газар шороо, хөрсөн доорх баялаг, ой мод, ан амьтан зэргийг ард түмний өмч гэж зарлаж байжээ. Түүнчлэн иргэдийн сонгох сонгогдох эрхийн асуудлыг хуульчлан, Азид анх удаа Монгол Улс эмэгтэйчүүд эрчүүдтэй адил тэгш эрхтэй байх явдлыг хангаж өгсөн юм.
Түүхэн хууль батлагдсанаар жил бүрийн арваннэгдүгээр сарын 26-ныг “Улс тунхагласны баяр” болгон зарлаж, бүх нийтийн амралтын өдөр болгон, тэмдэглэн өнгөрүүлдэг болсон билээ.

БҮГД НАЙРАМДАХ УЛС ТУНХАГЛАСНЫ 96 ЖИЛИЙН ОЙН БАЯРЫН МЭНД ХҮРГЭЖ МОНГОЛЫН ТҮҮХЭН ХОВОР ЗУРГУУДЫГ СОНИРХУУЛЖ БАЙНА.

Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.