ОРХОН АЙМГИЙН ЗАСАГ ДАРГА Д.БАТЛУТ ЭРҮҮЛ МЭНДИЙН САЛБАРЫНХАНТАЙ УУЛЗЛАА

0
Like
Like Love Haha Wow Sad Angry

Орхон аймгийн Засаг дарга Д.Батлутын иргэд, төрийн алба хаагчидтай хийх уулзалт үргэлжилсээр байна. Өчигдөр Эрүүл мэндийн салбарын байгууллагуудын эмч, эмнэлгийн ажиллагсадтай уулзаж тэдний санал, бодлыг сонслоо.

Орхон аймгийн Засаг дарга Д.Батлут бүрэн эрхийнхээ хугацаанд хүн амын эрүүл мэндийг сахин хамгаалахад онцгой анхаарал хандуулан ажиллаж байгаа. Энэ ч утгаараа эрүүл мэндийн салбарт 2017 онд хамгийн их хөрөнгө оруулалтыг хийжээ. Үүнийх нь үр дүн ч хурдан хугацаанд гарч өнгөрсөн жилд манай аймаг эхийн эндэгдэлгүй, нярайн эндэгдлийг 4 дахин бууруулж чадсан. Мөн эмч нарыг гадаадад мэргэжил дээшлүүлэх сургалтанд хамрагдалтыг ч өмнөх жилүүдээс хэд дахин нэмэгдүүлжээ.

Эрүүл мэндийн салбарын 40-өөс дээш насны 525  ажилтнуудаас 76.7 хувь буюу 403 ажиллагсадыг орон нутгийн 16,2 сая төгрөгийн санхүүжилтээр  Медипас эмнэлэгт ходоод, улаан хоолойн дуран, дотор, нүд, сонсгол болон биеийн жингийн индекс зэрэг үзүүлэлтээр шинжилгээнд хамруулсан.

Эмч, эмнэлгийн ажилтан 868 хүнийг сүрьеэгийн сорилд хамруулахаар төлөвлөснөөс 81,7 хувь нь хамрагдсаны 132 нь эмч, 275 сувилагч, 157 бусад ажилчид байна. Мөн В, С вирус илрүүлэх шинжилгээнд БОЭТ-ийн 479 эмч ажилчдыг хамруулсан байна.

БОЭТ-ын эмч, ажиллагсадад зориулсан орон сууцны барилга барих 1 га газар олгох тухай захирамж гаргаж, 6 ажилтанд аймгийн ЗДТГ-аас гэр олгосноос гадна БОЭТ-ийн сувилагч, техникийн ажиллагсад, үйлчлэгч нарыг шөнийн ээлжинд нэмэлт халуун хоолоор хангахад орон нутгийн төсвөөс санхүүгийн   дэмжлэг үзүүлж,   шаардагдах 15,3 сая төгрөгийг шийдвэрлэсэн гээд тус салбарт хийсэн зүйл олон.Уулзалтын үеэр эмч, эмнэлгийн байгууллагын ажилтнуудаас гарсан санал хүсэлтийг ихэнхийг нь шийдвэрлэхийг зорьж ажиллав. Тухайлбал, анх удаа манай аймагт эмч нарын төгсөлтийн дараах сургалтыг явуулж эхлэх гэж байгаатай холбоотойгоор сургалтын бааз суурийг бэхжүүлэхэд шаардлагатай 40 орчим сая төгрөгийн санхүүжилт, шөнийн ээлжийн эмч эмнэлгийн ажиллагсадын хоолны зардалд шаардагдах 15,3 сая төгрөгийг цаашид үргэлжлүүлэн олгох, амбулаторийн дээврийн засварыг 2018 онд хийж гүйцэтгэх, хоёр өрхийн эмнэлэгт автомашин олгох, иргэдийн эрүүл мэндийн мэдлэг боловсролыг сайжруулах, урьдчилан сэргийлэхэд анхаарч ажиллах, нийгмийн даатгалын хөнгөлөлттэй жороор үйлчилдэг эмийн сангуудыг хотын захын хорооллуудаар нэмэгдүүлэхэд дэмжлэг үзүүлэх, БОЭТ-ийн эмчилгээний хоолны тасгийн хуучирч муудсан тоног төхөөрөмжүүдийг шинэчлэхэд 20 гаруй сая төгрөгийн дэмжлэг үзүүлэх гэх мэт олон асуудлуудыг уулзалтын үеэр шийдвэрлэлээ.
Засаг даргын зүгээс “Эмч” дэд хөтөлбөрийг хэрэгжүүлж эхэлсэнд эрүүл мэндийн салбарын эмч, ажилтан ажиллагсад талархаж байгаагаа уулзалтын үеэр илэрхийлж байлаа.
 Erdenet.mn
Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.