“ЦАГААН САР-2018” ҮЗЭСГЭЛЭН ХУДАЛДАА ЭХЭЛЛЭЭ

0
Like
Like Love Haha Wow Sad Angry

“Цагаан сар-2018” үзэсгэлэн худалдаа “Эрдэнэтэд үйлдвэрлэв” худалдаа, үйлдвэрлэлийн төвд эхэллээ. Тодруулбал, жижиг дунд үйлдвэрлэл эрхлэгчдийн бараа бүтээгдэхүүнийг сурталчлан борлуулах, үйлдвэрлэл эрхлэгчдээ дэмжин ажиллах зорилгоор  Баян-Өндөр сумаас зохион байгуулж буй уг үзэсгэлэн худалдаа нь өнөөдрөөс эхлэн 2-р сарын 10-ны өдрийг дуустал явагдана.  Үүнд жижиг, дунд болон өрхийн үйлдвэрлэл эрхлэгч 31 иргэн оролцож байна. Оролцох хүсэлтэй иргэдийг нэмж бүртгэнэ. Оролцогчид эхний 7 хоног түрээс төлөхгүй бөгөөд бусад үед өдрийн 2000 төгрөгийн түрээс өгнө.

“Цагаан сар-2018” үзэсгэлэн худалдааны онцлог нь урт хугацаатай түрээсийн хөнгөлөлттэй, зөвхөн Эрдэнэтэд үйлдвэрлэсэн бүтээгдэхүүнийг хамруулж байгаад оршиж байна. Үзэсгэлэнд оролцогчдоос 5 номинацаар шилдэг оролцогчдыг шалгаруулж хаалтын арга хэмжээн дээр шагналыг гардуулна.
Дашрамд дурдахад, 2017 оны статистикийн тоон мэдээгээр Баян-Өндөр сум 27 533 өрхтэй. Үүний 2753 нь худалдаа, үйлдвэрлэл, үйлчилгээ эрхэлдэг өрх юм. Эдгээрээс жижиг, дунд үйлдвэрлэл эрхлэгч нь 100 гаруй , өрхийн үйлдвэрлэл эрхлэгч нь 500 орчим бүртгэгджээ.
Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх