Хүчтэй салхилсны улмаас байшингийн дээвэр, хашаа нурж, эрчим хүчний доголдол гарчээ

0
Like
Like Love Haha Wow Sad Angry

Орхон аймагт 3-дугаар сарын 26-наас 27-нд шилжих шөнө хүчтэй шуурсны улмаас 35 айлын хашаа, 3 айлын гэр нурж, 4 байшингийн дээвэр хийсч, 45 айлын орон сууцны дээвэр салхинд хууларч унажээ. Харин 4 цахилгаан дамжуулах агаарын  шугамын шон унаж, тодорхой хэмжээний хохирол учраад байна. Ингэснээр Орхон аймгийн Баян-Өндөр сумын Эрдэнэ багийн нутаг дэвсгэр, гэр хорооллын сургууль цэцэрлэгийн эрчим хүч тасалдаж, ус түгээх цахилгаан худагнуудын усны нөөцөд хүндрэл үүссэн байна.

Тухайн эрчим хүчний гэмтэл гарсан хэсэгт эрчим хүчний тухай хууль, газрын тухай хууль зэргийг зөрчиж, 6000-ийн шугам бүхий газарт, гэр бүлийн хэрэгцээний газар олгосон байсан нь ийм эрсдэл үүссэн гэж үзэж байна. Тодруулбал 2 байшингийн дээвэр салхинд хийсч унахдаа цахилгаан дамжуулах агаарын шугамд тохогдож, бусад шугамыг унагаасан юм. Азаар хүний амь нас, галын эрсдэл гараагүй байна.

Яг одоогийн байдлаар ЭБЦТС ТӨХК-ийн ажлын хэсэг тухайн айлын хашаанд дахь агаарын шугамуудыг зөөж, аюулгүй байршилд, хэвийн ажиллагаанд оруулахаар ажиллаж байна. Нийт хохирлыг мөнгөн дүнгээр нэгтгээгүй ч, урьдчилсан байдлаар эрчим хүчний засвар техникийн ажилд 10 гаруй сая төгрөг шаардлагатайг ЭБЦТС ТӨХК-ийн санхүүгийн албаны дарга Д.МӨНХБАТ хэллээ.

Салхи, шуурганаас үүссэн хохирлын хэмжээ, айл өрхийн тоог гаргахаар ОБГ, Хотын захирагчийн алба, Баян-Өндөр сумын баг бүрэлдэхүүн шуурхай ажиллаж байна.

Нийтэлсэн: Moнголын мэдээ
MNB.mn
Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.