Дмитрий Медведевийг ерөнхий сайдаар дахин томилуулах хүсэлтээ Путин илэрхийлжээ

0
Like
Like Love Haha Wow Sad Angry

Ерөнхийлөгчийн тангараг өргөснийхөө дараа Владимир Путин ОХУ-ын ерөнхий сайдын суудалд өмнөх ерөнхий сайд Дмитрий Медведевийг томилуулах хүсэлтээ төрийн Думд гаргажээ.

Одоо 52 настай Медведев өнгөрсөн зургаан жилийн хугацаанд засгийн газрыг толгойлсон ба түүнээс өмнө дөрвөн жилийн хугацаанд ерөнхийлөгчийн албыг хашсан юм.

ОХУ-ын үндсэн хуулийн дагуу өчигдөр буюу Даваа гарагт Путиныг тангараг өргөсний дараа засгийн газрын хуучин танхим ажлаа өгч байгаа.

Өмнөх засгийн газрыг огцорсны дараа хоёр долоо хоногийн дотор ерөнхийлөгч шинэ ерөнхий сайдын нэрийг дэвшүүлэх ёстой.

Улмаар парламентын доод танхим ерөнхий сайдад нэр дэвшигчийг долоо хоногийн дотор батлах үүрэгтэй юм.

Шинэ ерөнхий сайдыг төрийн Дум өнөөдөр хэлэлцэх төлөвлөгөөтэй байна.

Үүнээс хойш нэг долоо хоногийн дотор ерөнхий сайд засгийн газрын бүрэлдэхүүнээ ерөнхийлөгчид танилцуулах ёстой ажээ.

Эх сурвалж: ТАСС

Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх