ЭРДЭНЭ БАГИЙН 20-Р ДУНД СУРГУУЛЬД СПОРТЫН ХЭРЭГСЭЛ БЭЛЭГЛЭЛЭЭ

0
Like
Like Love Haha Wow Sad Angry
“Баянбулаг багийн хөгжил” ТББ-ийн залуус Орхон аймгийнхаа зарим тулгамдаж байгаа асуудлыг шийдвэрлэсээр ирсэн билээ. Өнөөдөр тус нийгэмд үйлчлэх Төрийн бус байгууллагын зүгээс Эрдэнэ багийн нутаг дэвсгэрт өнгөрсөн оны 10-р сард баригдан ашиглалтанд орсон 2-р сургуулийн 620 сурагчдад 30 ширхэг гурван төрлийн биеийн тамирын хичээл дээр хэрэглэгдэх сагсан бөмбөг, волейболын бөмбөгийг хүлээлгэн өглөө. Байгуулагдсан цагаасаа хойш 8 сарын хугацаа өнгөрч байгаа тус сургуульд биеийн тамирын хичээлийн хэрэгсэл дутуу байсаныг тус “Баянбулаг багийн хөгжил” ТББ-д бичгээр уламжилсаны дүнд бусад хэрэглэгдэхүүний хамт бэлэглэж байгаа нь энэ юм байна. Тус ТББ-ийн тэргүүнээр Аймгийн ИТХ-ын төлөөлөгчөөр сонгогдон ажиллаж байсан эдүгээ Эрдэнэт үйлдвэр ХХК-ийн менежер Р.Улаанхүү ажилладаг. Өмнө нь тус байгууллагын зүгээс Баянбулаг багийнхаа 16-р сургуулийн багш нарын кабинетийг иж бүрэн тохижуулж өгсөнөөс гадна Цагаанчулуут багийн өрх толгойлсон эмэгтэйн байшинг засварлах зэрэг сайн үйлсийн нийгэмд үйлчлэх 6 ажлыг амжилттай хэрэгжүүлсэн байна. “Баянбулаг багийн хөгжил” ТББ-тай хамтран ажилладаг ААН байгууллагууд ч эдүгээ бий болжээ.
Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.