ЗАСАГ ДАРГЫН ШУУРХАЙ ЗӨВЛӨЛГӨӨН НИЙГМИЙН ДААТГАЛЫН ХЭЛТЭСТ ХУРАЛДЛАА

0
Like
Like Love Haha Wow Sad Angry

Орхон аймгийн Засаг даргын 7 хоног бүрийн ээлжит шуурхай зөвлөлгөөн өнөөдөр Эрүүл мэнд, Нийгмийн даатгалын хэлтэст хуралдлаа. Учир нь Эрүүл мэнд, Нийгмийн даатгалын хэлтэс 2017 оны ажил бүх үзүүлэлтээрээ өсөлттэй гарсан бөгөөд Орхон аймгийн Засаг даргын дэвшүүлсэн “Хүний хөгжил”-ийг хангах зорилгоор нийгмийн даатгалын үйлчилгээндээ чанарын удирдлагын  олон улсын ISO 9001:2015 стандартыг нэвтрүүлэн ажиллаж байгаа. Энэ нь Монгол улсын Засгийн газраас дэвшүүлж буй “Гурван тулгуурт бодлого”-д нийцэж буй юм. Иймээс Нийгмийн даатгалын үйл ажиллагааг сурталчилах, туршлагыг нь дэлгэрүүлэх үүднээс Засаг даргын шуурхай зөвлөлгөөн тус байгууллага дээр хуралдлаа.
2017 оны ажил үйлсээрээ тэргүүлсэн Онцгой байдлын газар, Улсын бүртгэлийн хэлтэс, ХХААГ, Эрүүл мэнд Нийгмийн даатгалын хэлтэс, Орон нутгийн өмчийн газар зэрэг байгууллагуудын хамт олны хөдөлмөр, бүтээлийг үнэлж тус бүр 3 сая төгрөг, өргөмжлөлөөр шагнасныг гардуулан өглөө.
Дуудлагаар хог ачиж эхлэх талаар журам боловсруулагдсан бөгөөд энэхүү ажлыг удахгүй эхлүүлэх гэж байна. Мөн энэ жил Баян-Өндөр суманд 250 иргэнд газрыг нь өмчлүүлэхээр шийдвэрлэсэн. Харин үерийн ам, гуу жалга, өндөр хүчдэлийн шугам, улсын чанартай авто замд хэт ойр гэх мэт хууль журам зөрчиж, зөвшөөрөлгүйгээр хашаа барьсан иргэдэд удаа дараа мэдэгдэл хүргүүлсэн бөгөөд хашаагаа буулгаагүй тохиолдолд удахгүй албадан буулгах ажлыг эхлүүлнэ хэмээн Баян-Өндөр сумын Засаг дарга С.Ганцогт хуралдааны үеэр мэдэгдлээ.
Аймгийн хэмжээгээр малд шүлхий өвчний вакцин хийх ажил үргэлжлэн хийгдэж: байгаа аж. Орхон аймгийн Засаг даргын зүгээс Хог хаягдлын менежментийг сайжруулах, автозамын нөхөөсний ажлыг энэ сарын 21-ний өдрөөс эхлүүлэх, хүүхдийн тоглоомын талбайнуудыг засварлах зэрэг үүргүүдийг байгууллагын удирдлагуудад өглөө.
Мэдээллийн төв

Анхааруулга: Уншигчдын бичсэн сэтгэгдэлд www.etzone.mn хариуцлага хүлээхгүй болно. Манай сайт ХХЗХ-н журмын дагуу зүй зохисгүй зарим үг хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэж үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл үлдээх

This site uses Akismet to reduce spam. Learn how your comment data is processed.